Am Sunntig, 15. November 2020 het sich der Landamme und alt Gmeindamme Markus Dieth ere Operation müesse unterziehe. Sini Verträtig als Landamme übernimmt den Ännetwettiger Stephan Attiger.
Wi de Kanton Aargau inere Mediemitteilig schriibd, isch de Markus Dieth am Sunntig im Kantonsspital z Bade operiert worde. Grund isch en entzündliche Nabelbruch gsi, wo e sofortigi Operation notwendig gmachd het. De Umständ entsprechend gohts em Patient guet und d Ärzt gönd devo us, dass de Landamme in 10 bis 14 Täg wider cha aafange Schaffe.
Sini Vertretig für sis Amt als Landamme übernimmt de Landstatthalter Stephan Attiger und als Vorsteher DFR und dodemit au morn bi de Verhandlige im Grosse Rot i de Umwältarena z Spreitebach über de Ufgabe- und Finanzplan (AFP), de Alex Hürzeler.
Mir wünsched im Markus Dieth gueti Besserig!