D Wystärn Wettige AG het ihri Wy präsentiert

Am 1. Mai 2020 het d Wystärn AG ihri Wy de Kundinne und Kunde erschtmols welle präsentiere. D Corona-Krise het de im Auguscht 2019 gründete Aktiegsellschaft en Strich durch d Rächnig gmachd.
Am letschte Samschtig hend d Aktionär selle zu de Degustation vo de aller erschte Wy vo de Wystärn Wettige AG iiglade werde und ab em 1. Mai, em Tag vo de offnige Kellertüre, hetted alli Interessierte di Wy selle chönne degustiere und chaufe. Wege de Corona-Krise goht das ned, aber d Wy, wo me ab em 1. Mai online cha bstelle (oder wi bisher di vo de Wybaugnosseschaft bim Meinrad Steimer cha chaufe), sind am 30. April de Medie präsentiert worde, damit mir oich chönnd informiere. Aber lueged und lossed sälber, was de Marco Bieri, de Gschäftsleiter vo de Wystärn Wettige AG über d Näme vo de Wy und d Entwürf vo de Ettikette z säge het…