D Spaghettata vo de Reformierte Chile Wettige-Noiehof erfroid sich scho sit Johre grosser Beliebtheit. Im März falld si wegem Coronavirus aber us.
Mitenand Ässe fördered Gmeinschaft. Us dem Grund finded sit em Auguscht 2016 immer am letschte Mittwoch vom Monet (abgseh vo de Schuelferie) im reformierte Chilegmeindhuus e Spaghettata statt. Freiwilligi choched für e grossi Schar vo Mönsche. Bi so vil Lüt isch aber s Risiko vonere Aasteckig mit em Coronavirus höch und so het d Chilegmeind bschlosse, am 25. März 2020 uf de Aalass z verzichte. D Chilegmeind het zudem di beide Seniorenamittäg vom 18. und 24. März abgsaid. D Gottesdienscht werded witerhin stattfinde, aber vorläufig ohni Apéro und ohni Abemahl.