De Thomas Sigrist hed uf Facebook und schints au im Schuelmail sin Rücktritt us de Schuelpfläg bekannt gäh. Am 31. Juli 2020 esch es so wit.
Sit em Johr 2002 esch de Thomas Sigrist Schuelpfläger gsi. Zerscht esch er vier Johr für de Schuelchreis Alteburg zueständig gsi. Im 2006, wo d Schuelpfläg de s Ressortsystem iigfüehrt hed, hed er s Ressort Infrastruktur übernoh. Scho vier Jahr spöter esch er Schuelpflägpräsident worde.
In de 19-jährige Amtsziit vom Thomas Sigrist esch u.a. d Iifüherig vo de Schuelleitige im 2002 gfalle, d Ufstockig vo de Schuelaalag Margelächer, d Drüfachsporthalle und de Abriss und Neubau vom Schuelhuus Zehntehof. Au d Verchlinerig vo de Schuelpfläg vo 9 uf 7 im 2006 und vo 7 uf 5 aafangs vo dere Legislatur, esch in sini Amtsziit gfalle.
Durch de Rücktritt esch i dere Legislatur scho die zwöiti Ersatzwahl i de Schuelpfläg notwendig und das numme 1 1/2 Johr bevor d Schuelpfläg velecht gar nümme cha gwählt werde, wil sie abgschaffd werde söll (s Stimmvolk muess im Mai do drüber entscheide….).