Am Donnschtig, 12. März 2020 esch es am Lägerehang zueme REGA-Iisatz cho. En verunfallte Velofahrer het schints müesse evakuiert werde.
Hüt am Abe esch d REGA am Fuess vo de Lägere unterwägs gsi, schints für em Rettigsiisatz. Unzähligi Föteli und Videos sind ois zugeschickt worde, was genau gsi esch, chönnd mir aber erscht säge, we d REGA Uskunft geh het.
Beobachted worde isch, wi öpper vom Heli abeglah worde esch, vermuetlech um öpper z rette. De Heli isch dann uf em Sportplatz Scharte glanded und nach em Start devo gfloge.
Nach Aagabe vomene Augezüüge isch es en verunfallte Velofahrer gsi, wo d REGA us em unwegsamen Gländ evakuiert het.