Wo gits s beschti Wild?

Herbschtziit isch d Ziit vo de Gsellschaftsjagde und vom Wild ässe. S Badener Tagblatt fröged, wo es im Aargau s beschti Wild git. Au es Wettiger Reschtaurant isch i de Lischte.
Drizäh Reschtaurant us em ganze Aargau werded i de Umfrog vom Badener Tagblatt ufgführt, do drunter au de Freihof a de Dorfstross z Wettige. Im Momänt (Tsischtig, 12. November 2019 um Zähvordrü) stoht de Freihof mit 4 Stimme uf em 7. Rang, während de Schütze us de Kantonshauptstadt mit 25 Stimme wit, wit vorus isch.
Mir vo de Wettiger Nochrichte meinde, im Freihaf cha me vorzüglich Wild ässe. Wenn ihr das auch so gsehnd, dann klicked doch uf den Link und gebed im Freihof oiri Stimm.