Am Samschtig, 28.September 2019 het de FC im altehrwürdige Alteburg de FC Freiebach als Gascht gha. Di drü Pünkt sind z Wettige blibe.
Dass de FC sini Siigesserie het welle fortsetzte isch klar gsi und au, dass er dihei wot überzüge. Mit em 3:1-Siig gege Freiebach isch das glunge.
Nach em 1:0 durch de Labinot Osmani i de 28. Minute isch de FC mit dem Vorsprung i d Halbziitpause. De Usgliich vo Freiebach i de 52. Minute isch en chline Schock gsi, aber scho i de 64′ het de Anel Hodzic s 2:1 markiird. I de Nachspilziit het er dann au no zum 3:1-Endstand troffe.
Nachdem NK Pajde gege Muri di zwöit Niderlag kassiird het, het Wettige d Tabellefüehrig i de Gruppe 5 vo de 2. Liga interregional übernoh.
Alli Goal vom Match cha me do goh aaluege.