Wider Tankstelleshop überfalle

Quelle: Google Street View

De Tankstelleshop vo de Coop-Tankstelle, wo scho im Juni überfalle worde isch, isch wider vo Räuber heimgsuecht worde. D Kantonspolizei suecht Züüge.
Es isch hüt, Fritig, 20. September 2019 gsi, wo am frühe Morge um Halbiföifi zwöi bewaffneti Männer de Tankstelleshop a de Landstross überfalle hend. Si hend di Aagstellti bedroht, wo de Tresor göffned het. Wil es dete keis Bargeld dine gha het, sind di Männer ohne Beute ineme schwarze Chliwage gflüchted. D Kantons- und Regionalpolizei hend sich sofort mit mehrere Patrouille zur Fahnidig usgruckt, bis jetzt ohni Erfolg.
De ei Maa het Schwiizerdütsch gred, isch öppe 170 cm gross und het en dunkle Pullover mit Rissverschluss und Kapuze aagha. Er het en Strumpf über Gsicht gha und e wissi Staubmaske. De zwöit Maa het numme broche Dütsch gred, isch au dunkel aagleid gsi und het au en Strump über Gsicht gha. Beidi hend Hendsche aagha. Zudem hend si e rötlichi Stofftäsche miteme Bluememuschter debi gha.
Lüt, wo verdächtigi Beobachtige gmachd hend oder Aagabe zum Fluchtfahrzüüg chönnd mache, selled sich bi de Kapo Aargau z Bade melde (Tel. 056 200 11 11).