Am Lägerghang isch de Zuun vom Hirschgheg ufgschnitte worde. Allfälligi Züüge werded bäte, sich bi de Kantonspolizei (Kapo) z melde.
Sind es vermeintliche Tiirfründ gsi, wo i de Nacht vom 7. uf de 8. Mai 2019 s Hirschgheg bim Mooshof ufgschnitte hend? Jedefalls ischs e muetwilligi Zerstörig gsi, so vil cha me scho säge. De Zuun isch nämli miteme Werchzüüg uftrännt worde.
En Teil vo de Tiir isch devogloffe, de gröschti Teil aber zum Glück wider retour cho. Wichtig wär, dass alli Tiir wider iigfange werde. Wege de Gfahr vo de Fauneverfälschig müend nämli alli Tiir, wo ned chönnd iigfange werde, abgschosse werde. Um es Iifange z ermögliche, sell me sich ned numme melde, we me zu de Täterschaft cha Uskunft geh, sondern au, we me a de Lägere Damhirsch gseht.