Erschti Visualisirig fürs Gländ vo de Garage Baschnagel

Es git scho lang Grücht über e noii Überbauig uf em Gländ vo de Garage Baschnagel. Jetzt gits für d Öffentlichkeit erschtmols öppis handfeschts i Form voneme Studieuftrag.
Bim Bade Regiotalk hend sich verschidnigi Gmeind präsentiirt, vor allem ums Gwerb über noii Entwicklige im Bauberiich z informiire. Au d Gmeind Wettige isch derbi gsi. Am Stand vo de Bauverwaltig hets zum erschte Mol öffentlichi Informatione zu de plante Überbauig a de Landstrass 151 geh.
Statt de Garage sell s Gebiet für en Inneentwicklig und Verdichtig zur Verfüegig stoh. Aadenkd sind öppe 157 Wohnige mit ere Wohnflächi vo 13’000 Quadratmeter. Au fürs Gwerb sind Flächene iiplaned, nämli 1’630 Quadratmeter.
Nach em Masterplan Landstrass bestoht fürs Baugebiet e Gstaltigsplanpflicht. Der sell no im 2019 erarbeitet werde.