Manchi Mönsche sind sehr kreativ, wenn es drum goht, anderi übers Ohr z haue. Z Wettig sind grad settigi unterwägs.
Wi ois e Läseri mitteilt, sind zur Ziit Betrüger z Wettige unterwägs, wo aageblich Euro-Millions-Los verchaufe. «Si fordered ein denn uf, d IBAN-Nummere ufzschribe und en Underschrift z geh „zum de Gwünn uszahle“», so het ois d Läserin ihres Erläbnis gschildered. Si het en Blick in d Statistik vo dene Betrüger chönne werfe und het gseh, dass si bi mindescht 20 Lüt müend gsi si. Es spöters Telefon bi ihre Bank het ihre Verdacht bstätiged, «dass mer mit de IBAN-Nummere und ere Underschrift en LSV-Uftrag chönti mache zum Gäld vom Konto abzieh.» Wichtig isch au z wüsse, dass Swisslos, wo d Euro-Millions-Los i de Schwiiz verchaufd, kei Verchäufer an d Tüüre schickt.
S Probläm isch ned uf Wettige beschränkt, sondern au Lüt us Noiehof brichted vo settige Vorfäll. Es hilft vor allem misstrauisch z bliibe, im Zwifelsfall d Polizei z kontaktiire (Tel. 117) und settigi Masche witer z verzälle. Wi bim Enkeltrick, bi Betrüger, wo sich am Telefon als Polizischte usgäbed und nach Wertsache fröged und au hiir bi de Lösli-Betrüger isch wichtig, dass me scho einisch mitübecho het, dass es settige Tricks git.