Scho 9. Mol het s «Fäscht vo de Kulture» stattgfunde, zuletscht am 27. Mai 2017 uf em Zäntrumsplatz. I dem Johr fallt es us, dafür nutzt de Indisch Verei s freie Datum für es indischs Kulturfäscht.
Wer gärn anderi Kulture wot begegne, bsunders au kulinarisch, isch bim «Fäscht vo de Kulture» immer uf sini Choschte cho. Obwohl es i dem Johr de 10. Aalass gsi wär, het de Verei, wo das Fäscht organisiirt im Februar mitteild, dass es i dem Johr keis Fäscht wird geh, sondern erscht im 2019. De Verei het us dem Grund en Ufruef gstarted und mitteild, dass am plande Termin, Samschtig. 26. Mai 2018, s «Datum für es Kulturefäscht frei wär», so d Lea Schmidmeister gegenüber de Wettiger Nochrichte. D Froid isch gross bi ihre, dass es jetzt es indischs Kulturfäscht git.
Vom Nüni am Morge bis em Föifi am Namittag cha me uf em Zäntrumsplatz authentischi indischi Gricht us verschidnige Regione ässe und au indischi Ufführige sind planed. D Organisatore schriibed, dass au Tisch und Bämk organisiirt sind, so dass me uf em Zäntumsplatz en sonnige Tag cha gnüsse.