Wi 20min brichted, isch hüt öppe um Halbieis am Mittag bim Tägipark en Ente mit ihre zwölf Kücke unterwägs gsi. D Regionalpolizei (Repol) het si us Sicherheitsgründ begleitet.
Di Nochricht isch voneme Lesereporter cho, wo s 20 Min übercho het. Di nöd witer gnennti Person het vo ihrem Büro us es Polizeiauto vo de Repol gseh und dann realisiird, dass en Polizischt d Ente eskortiird het. D Zitig het sich dann an d Kantonspolizei (Kapo) gwended und dete d Info übercho, dass es immer wider Situatione würdi geh, wo d Polizei Ente rettet. Zum eine würdi de Polizei de Schutz vo de Tiir am Härze lige, so de Bernhard Graser, de Mediesprecher vo de Kapo, zum andere gäbs au en Sicherheitsaspekt für de Vercher: Tiir uf de Fahrbahn chönnd zu Uufäll führe.