Morn isch s Restaurant Tägerhard zum letschte Mol offe

Ein Tag früehner wi s Hallebad schlüsst s Restaurant im Tägi. Im Unterschiid zum Hallebad aber für immer.
Im noie Tägi wird’s keis Restaurant meh geh. Für d Gastronomii vo de Badibsuecher isch dann es Bistro zueständig, wo im Erdgschoss plaziirt wird und für grossi Aaläss isch es Catering vorgseh. Bevor z Restaurant ganz sini Tor schlüsst, finded morn, Sunntig, 29. April 2018 vom Ölfi am Vormittag bis um Föifi am Namittag  de «Gnuss hoch10» statt, vo dem mir voreme Monet scho brichtet hend.
Danach isch s Restaurant gschlosse, am Fritig, 11. Mai find aber no en Dekorationsverchauf statt. Wiehnachtsdeko, Dekor- & Chärzegläser und alles möglichi anderi wird vom Viiri am Namittag bis um Sibni am Abig im Tägi-Restaurant verchaufd unter em Motto «Alles muss weg!»