D Ludothek suechd noii Rüüm

D Ludothek isch sit einige Johr zämme mit de Musikschuel im Huus Weiheräcker unterbochd. Wil d Musikschuel mehr Platz bruchd, muess d Ludothek use, isch aber mit de Rüüm, wo d Gmeind als Alternative aabüted nöd zfride.
Das Ludothek nöd emig i de Rüüm im Huus Weiheräcker cha dine bliibe, isch em Vorstand, so jedefalls oiseri Informatione, scho lang bekannt. Uf de Juni 2018 gilts jetzt ernscht und d Ludothek muess de Standort a de Staffelstross 49 verlah. De Gmeindrot het de Ludothek en grosse Ruum im Huus vo de Gmeindsbibliothek aabote, wo bisher vo de Musikschuel gnutzt worde isch und hätti au, wi bisher, de Mietzins übernoh bzw. durf verzichted. Em Vorstand vo de Ludothek isch der Ruum aber nöd gross gnueg, deshalb suechds per sofort en Ruum mit öppe 200 qm, wo möglichscht günschtig set si. Wer öppis weiss, sell sich an d Doris Hunziker, Präsidentin vo de Ludothek wende (E-Mail: doris-hunziker(at)gmx.ch).