D Saniirig vom Tägi het mit em Abriss vo de Tribüne bi de Iisbahn aagfange. Am Aafang Mai started di zweiti grossi Etappe.
Ab Tsischtig 1. Mai 2018 isch s Hallebad im Tägi gschlosse. Alli 12er Charte müend deshalb bis zum Mentig ufbruuchd si oder si verfalled. D Magnetcharte set me au bis am Mentig abgeh, wil me hinterher schints keis Depot meh retour überchund. D Widereröffnig vom Hallebad nach de Saniirig isch für de März 2020 planed.
Alli Wasserratte chönned mir e chli beruhige: Ab em 5. Mai 2018 isch s Gartebad offe, so dass me erscht nach de Saison z Wettige nüm cha schwümme. S Wasser im Gartebad isch aber während de Saniirig nöd gheizt.