Sit geschter, 23. April 2018 cha me au vo de Stadt her wider uf Wettige. Meh oder weniger überraschend cha me uf em Badener Schuelhuusplatz wider in alli Richtige abbiege.
Geschter am Vormittag sind mir zuefällig über d Hochbrugg uf Bade und sind vom Gegeverkehr überrascht worde. Nöd numme us de Halde und de Wide Gass her cha me über de Bruggechopf Oscht uf Wettige sondern au vo de Melliger- und de Bruggerstross her. Für Wettiger Automobilischte ended dodermit e fascht drüüjährigi Liidensziit, wo si d Stadt entweder gmiide hend oder über Noiehof oder d Siggethaler Brugg uf Wettige hend müesse fahre.
Zur Ziit wird de Vercher uf de Chrüzig Schuelplatz durch en Verchersdienscht gregled. D Lichtsignalaalag wird in de nächschte Ziit montiird.