Am Donnschtig, 12. April 2018 het es in ere Wohnig a de Landstrass brönnd. Verletzt worde isch zum Glück niemed.
Geschter hend Mieter inere Wohnig a de Landstass Cherze welle produziire. Si hend e Pfanne mit Wachs uf de Herd gschtellt und sind use uf de Balkon. De Wachs het dann aafange brönne, wi d Kantonspolizei inere Mediemitteilig schriibd. Wo di Lüt de Brand bemerkt hend, hend si versuechd s Füür z lösche und wo di Versuech gschitered sind, hend si öppe um Zwöi am Namittag d Füürwehr alarmiird. D Füürwehr het de Barand speditiv chönne lösche, d Wohnig isch aber schwer in Mitleideschaft zoge worde und cha zunächscht nüm bewohnt werde.