Nach zwei Niderlage muess sich de FC steigere, wenn er im Nachtragsspil am Mittwoch wot gwünne. Um Viirtelabachti isch NK Pajde z Gascht im Alteburg.
S Johr 2018 het für de FC nöd eso guet aagfange. Z erscht hend di erschte drü Match müesse verschobe werde, dann hets zwei Niderlage geh. Z Schöftle, wo de FC am Samschtig vor ere Woche zum erschte mol im 2018 um Punkte kämpfd het, het es lang so usgseh, als wär en Punktgwinn möglich, het doch de Anthony Gullo in de 60. Minute zum 1:1 chönne usgliiche. Leider het Schöftle in de Schlussminute no 2:1 gmachd.
Anderscht, nämlich wit weniger chnapp, isch es am letschte Samschtig, 14. April 2018 im Stadion Alteburg zue- und hergange. De FC Muri isch in allne Beriich überlege gsi. D Wettiger hend in de ganze Partii nie de Aaschii erweckt, dass si den Match chönnted oder wette gwünne: Fehlpäss, wenig Impulse nach vorne, … Di 250 Zueschauerinne und Zueschauer sind enttüscht gsi, jedefalls sowit si de Heimmannschaft d Duume druckd hend. Nachdem es zur Halbziit no 0:1 gheisse het, isch Muri mit eme 1:4 als Siiger vom Platz gange.
Am Mittwoch stoht jetzt de Nachtragsmatch im Alteburg uf em Programm und mir hoffed uf e solideri Leischtig vo oiserm Team.
