Ohni Gäld goht hüt nüd meh, das isch ois allne klar. Und Gäld an sich isch ja e gueti Erfindig, aber…
Hend ihr au mengisch de Iidruck, dass in oisere Wält d Verteilig vom Kapital falsch laufd? Dass Gäld d Mönsche vonenad entfremdet? Jesus het emol gsaid: «Ist der Mensch für den Sabbat da? Oder ist der Sabbat für den Menschen da?» De Pfarrer Stefan Burkhard wird deshalb im Gottesdienscht am 4. Auguscht 2019 um Halbizähni am Morge i de reformiirte Chile de Frog nochegoh, obs Gäld de Mönsche ehnder diend oder si «knechtet». Uf jede Fall werded d Gottesdienschtbsuecher einiges über s Ziitalter vom Kapitalozän erfahre. In Aalehnig a de Jeremias Gotthelf gohts um «Gäld und Geischt».