Scho zum föifte Mol finded s Treberwurschtässe mit Wydeguschtation uf em Lindeplatz statt. Am Wochenänd isch es so wit.
Uf em Lindeplatz stoht am Wochenänd vom 30. November bis zum 2. Dezember 2018 es gheitzts Fäschtzält. Dete cha me wider, wi i de Vorjohr, d Ws vo Steimer Weinbau deguschtiire. D Treberwürscht werde vor Ort uf em Trubetreschter gared, uf Wunsch wird d Wurscht uf em Teller mit huuseigedem Marc flambiird.
Am Fritig am Abe isch au für musikalischi Unterhaltig gsorged. «Dominique und Guy» werded d Bsuecher mit wunderschön gschpilte Gitarrekläng und Gesang «verzaubere».
S Zält isch am Fritig ab de Sächsi am Abe und am Samschtig ab de Viiri am Namittag offe. Degustiire cha me jewils bis um Zähni am Abe. Am 2. Dezember isch offener Sunntig vom Ölfi am Mittag bis um Föifi am Abe. Es het so langs het.