Am Samschtig, 27. Oktober isch de Lateintag im Chloster. Me mues nid latinisch chönne für zcho – es isch für alli interessant.
Di latinischi Sproch het mer vor 2000 Johr im ganze damalige Europa gredt und gschribe. Und ums ganze Mittelmeer ume au no. Au im Chloster Wettige, aber au i de Chile St. Sebastian gits latinischi Texte. Wemmer no hüt cha verstoh, was do damals gschribe worden isch, denn verdankt mer das dene, wo latinisch glehrt händ. Die händ öppis zbiete.
Am 27. Oktober isch wider der schwizerisch Latintag, dasmol zWettige. Do chömed us der ganze Schwiiz und vo witer här Lüt, wo uf Latinisch öppis Interessants und Spannends erfahre händ. Vom halbi nüüni bis am sächsi: Me cha en ganze Tag zuelose, mitsinge, miträde, lache, stuune, grinse und ässe. D’Fachlüüt verchaufe ihres Wüsse mit vil Gschick und Charme.
Es het Konzert, Chlosterfüerige vo Fachlüüt, en Krimi, und alles isch aktuell. Me cha jedi Stund öppis Latinisches kennelehre. Und es tönt de no guet!!!
Studente verzelled, was me mit Latin alles cha aastelle.
Trimalchio, Tacitus, Scheuchzer, Francis Bacon, Arvo Pärt, Susanne Oldani, Konrad Jenny, Vocalino, Bruggisser und Brandeberg – luter interessanti Lüüt chöne si kennelehre.
Für Wettiger am Interessantischte isch sicher dEntzifferig vo allne Inschrifte im Chloster. Und natürlich di vier Konzert. De Regierigsrot Markus Dieth macht dBegrüessig, und de Gmeindamme macht de Schluss. Wettige isch richtig debi: bim schwizerische Kulturerbejohr 2018 und bim schwizerische Latintag.
Programm unter www.lateintag.ch
Zum Ässe mues me sich amälde, für di andere Stunde sett mer au.