Am Samschitg isch Papiir- und Kartonsammlig

Am 18. Auguscht 2018 sammled Jungwacht und Blauring im ganze Gmeindsgebiet Papiir und Karton. Ab de Sibni am Morge muess alles parat stoh.
Papiir und d Karton selled trännt vo enend und in guet verschnürte Bigeli vo nöd meh wi 5 kg a de Strass stoh. D Schnür sete us Naturstoff wi öppe Hanf si. Plastik-, Draht oder Klebbandverschnürige sind verbote. Au Altpapiir in Tragtäsche isch nöd erwünscht, will es Lüt git, wo Huuskehricht drunter schmuggle, was s Recycling vom Papiir und em Karton schwer beiiträchtiged. Verantwortlich für d Sammlig isch Jungwacht/Blauring. Kontaktperson isch de Marc Güntensperger (E-Mail: marc.guenti(at)gmx.ch).