Scho sit einiger Ziit wird d Brugg wo über d A1 zu de Familiegärte und de Fischerhütte führt, saniirt. Ab em 2. Juli isch si gschperrt.
D Saniirigsarbeite a de Brugg sind fascht abgschlosse, so dass de Belag cha iibaut werde. Dafür muess d Brugg gschperrt werde, wi d Gmeind uf ihre Homepage mitteild. Vo Mentig, 2. Juli 2018 um Sibni am Morge bis und mit Fritig, 13. Juli 2018 um Viiri am Namittag cha d Brugg nöd betrete werde. Will d Belagsarbeite vo de Witterig abhängig sind, chönnd sich d Sperrig allefalls no verschiebe. D Umleitig wird vor Ort signalisiirt.