Sirenetescht vom Februar muess widerholt werde

Jedes Johr am erschte Mittwoch im Februar finded en Sirenetescht statt. Wege technische Problem wird er im Mai i de ganze Schwiiz widerholt.
Wenn am Mittwoch, 23. Mai 2018 de nächscht Sirene-Tescht stattfind, werde di meischte Lüt wi immer reagiire: mit Verunsicherig. Isch es ernscht oder numme en Tescht. Vilicht chömmed au di ins Zwiifle, wo sich dunkel dra erinnere, dass einisch jöhrlich so en Tescht stattfind, denn der isch im Februar. Bim letschte Tescht am 7. Februar het sich aber zeiged, dass es technischi Probläm mit em Stüürigssyschtem «Polyalert» git. Di sind in de Zwischeziit behobe und so sell en noieliche Tescht zeige, ob alles i de Ordnig isch.