Am 19. Februar 2018 isch de Hermann Steiner in sim 60. Läbesjohr gschtorbe. Ois vo de Wettiger Nochrichte het di Nochricht sehr troffe, deshalb widmed mir em Hermann Steiner en Nochruef.
Sehr vili Lüt hend de Hermann kennd, wenn ned nach em Name, so doch schpöteschtens, we me sin Schnauz beschriebe het. Au sini Liebi zur Musig und sis Engagement für Wettige hend ihn uszeichned. Bi unzählige gsellige Aaläss het er sis Schwiizerörgeli debi gha und mit sinere Musik für gueti Stimmig gsorged. Bis Ändi 2017 isch er Mitgliid vo de Iibürgerigskommission gsi und das scho sit vilne, vilne Johr. Au im Iiwohnerrot het er lang politisiirt und isch am 24. September 2017 für di noi Amtsperiode wider gwählt worde. Mit ihm verlürt Wettige en Iiwohnerrot, wo 2008/2009 Präsident vom Rot gsi isch.
De Aaghörige entrichted mir vo de Wettiger Nochrichte oises Biileid.
Antworten
Du musst angemeldet sein, um einen Kommentar abzugeben.