Hüt am Obig vom 12. uf de 13. Auguscht 2026 esch es weder sowit. De Perside-Strom «flügt» über de Himmel und es ged e richtigi Sternschnuppe-Show am Himmel z gseh.
Falls Ihr euch froged, was das genau esch? E chlini eifachi Erklärig: Die sogenannte Perside send en riisige «Hufe» vo «chline Weltall-Staubchörner und Kometteili». Wenn d Erde hüt Obig dur die Staubwolke «flügt», verbrenntet die Teili schnell i de Luft, und das esch das, wo mer denn als lüchtendi Sternschnuppe gsehnd.
Wenn Ihr die Show ned verpasse wend, denn packed e Decki iih, zum druflegge und gmüetlich in de Himmel z luege. Die beschti Ziit defür esch, wenn s rechtig dunkel esch, z.B. um und nach Mitternacht oder im Sidligsgebiet ab de 1, wenn d Kandelaber abgschaltet sind. Aber en würkli gueter Punkt z Wettige wär de Buesberg.
Lueged ufe, gnüsset die magisch Nacht! Und ebe, wenn mer e Sternschnuppe gseht, chamer sech ja öppis wünsche.