Im Chraftwerk laufd e Grossrevision

Foti: EWZ

Im Chraftwerk Wettige werded d Turbine revidiird und d Iilaufräche ersetzt. Di letschti Grossrevision isch vor öppe 20 Johr gsi. So isch es Ziit, d Verschleissteili bi de Turbine, de Drosselchlappe und de Generatore z ersetze, wo sit meh wi 110’000 Stunde im Iisatz gsi sind. S erschti Laufrad, de Reguliirigsring und de Turbindeckel sind vorgeschter, 19. Februar 2018 wider iibaud worde.
Bi de Revision, wo scho es zitli laufd, werde d Laufradschufle ersetzt bzw. di erscht isch vorgeschter ersetzt worde. Si sind nach de hütige Uslegigskriterie hergstellt worde und erhöched d Stromproduktion um 4.5%, was 6 GWh im Johr entsprichd. Um d Stromproduktion nöd z fäscht z beiiträchtige, wird i de Winterhalbjohr 2017/18, 2018/19 und im 2019/20 jewils eini vo de drü Maschinegruppe demontiirt, revidiirt und wider zammegsetzt, währned di andere beide Strom produziired. Am letschte Mentig isch di erschti Turbine, wo öppe 25 Tonne schwer isch, wider iibaud. Ersetzt werded bi dere Revision au d Iilaufräche, wo verhindered, dass Abfall us em Stausee in d Turbine chunnt. D Iilaufräche, wo jetzt ersetzt werded, sind noch di originale vo 1933, wo d Staumuur baud worde isch. Au d Befeschtigunge und d Schtützkonschtruktion werded ersetzt. D Revision choscht öppe 16 Millione Franke.

 

1 Trackback / Pingback

  1. viagra

Antworten