Am Tsischtig isch Papiir- und Kartonsammlig

Am Tsischtig, 27. Februar 2018 isch es wider so wit. Di nächscht Papiir- und Kartonsammlig stoht aa.
Ab de Sibni am Morge set s Papiir und d Karton trännt vo enend und in guet verschnüürte Bigeli vo nöd meh wi 5 kg a de Stroos stoh. D Schnür sete us Naturstoff wi öppe Hanf si. Plastik-, Draht oder Klebbandverschnürige sind verbote. Au Altpapiir in Trägtäsche isch nöd erwünscht, will es Lüt git, wo Huuskehricht drunter schmuggle, was s Recycling vom Papiir und em Karton schwer beiiträchtiged. Verantwortlich für d Sammlig isch d Sekundar-Realschuel (Sereal). Kontaktperson isch de Peter Thiele (E-Mail: peter.thiele(at)schule-wettingen.ch).

Ersten Kommentar schreiben

Antworten