Es isch fascht apokalyptisch gsi, wo sich am Fritig, 28. August 2026 öppe 20 Minute vor 9i am Morge de Himmel verdunkled het. S Gwitter isch dann churz aber sehr heftig gsi und het zahlriichi Schäde hinterlah.
Hüt am Vormittag hets ghaglet, gstürmt und wi verruckt gregnet. D Blätter hend d Abläuf a de Strasse verstopft, was zu Überschwemmige und überfluetete Keller gfühert het. Au Dachzigel sind devogwehr, Bäum umgheit, Bauabschrankige au udn es sind bispielwiis Trampolin devogweht worde. Aktuell fehlt no de Überblick, aber ihr chönnd ois gärn schriibe und/oder Föteli schicke (wettiger.nochrichte(at)gmail.com).