D Gmeind Wettige warnt vor em Beträte vom Wald! Au Bäum im Sidligsruum chönnd gfährlich si.
S Unwetter, wo hüt am Morge, 28. August 2026 über d Region zoge isch, het dütlichi Schäde hinterlah. Gebäudeteil, Dächer und ned gsicherti Gegeständ sind beschädiged worde, Bäum entwurzled oder grossi Äscht sind abbroche. Ganzi Strossezüg und Cheller sind gflueted worde und Hagel het Fahrzüüg und Pflanze beschädiged. Nach aktuellem Stand sind kei Persone z Schade cho, schriibd Gmeind. Das isch es grosses Glück, we me gseht, wieviel Dachteili, Äscht und Bäum uf de Strosse gläge sind. Bi de Füürwehr und de Polizei sind vili Meldige iigange. D Füürwehr, unterstützt vom Höheretter vo de Füürwehr Spreitebach, de Werkhof, de Forst und de Zivilschutz sind im Iisatz und werded au morn no mit Ufruume beschäftigen si. De Gmeindrot dankd allne Helferinne und Helfer! Er bitted d Bevölkerig um grossi Vorsicht. In de nächschte Täg seit me de Wald weder beträte noch befahre. De Hitzesommer het d Bäum gschwächt und es chönnd immer no Äscht abegheie, wo scho abbroche sind. Au im Sidligsgebiet bittet de Gmeindrot um Vorsicht im Beriich unter und nebe Bäume.
Bi witere Vorfäll bitte direkt de Notrufummere (Polizei 117, Füürwehr 118, Ambulanz 144) aalüte und ned bim Polizeiposte vo de Repol oder em Füürwehrmagazin.