53 Chind vo de Reformierte Chile vo Wettinge-Noiehof, Würelos und Spreitebach-Killwange hend im reformierte Chilegmeindhuus z Wettinge d Kolibri-Täg dörfe erläbe. Bi dem Aalass sind 80’000 Holzchlötzli vom Bibellesebund (BLB) zum Baue parat gsi.
Es isch e Wuche voll vo lachende Gsichter gsi. D Chind hend es chum chöne erwarte, mit em Baue aazfange. Vo Afang aa het ihne das grossi Freud gmacht. Nebe morgendlichem Singe, Theater und Bibelgschichte isch es jede Tag flissig ans Baue gange. Nach eme feine Zmittag isch dusse gspielt oder baschtelet worde. A drü Täg hend d Chind Gländespiel gmacht, wo vom Leiterteam dürgführt worde isch und de Chind di nötigi Abwechslig und en Usgliich geh het.
Mit em Gottesdienst am Sunntig isch d Woche, wo numme wege vil Engagement vo Freiwillig möglich gsi isch, z Änd gange.