Öppe 240 Winzerinne und Winzer us de ganze Dütsch-Schwiiz öffned vom 1. – 3. Mai 2026 ihri Türe. Alli Intetessierte sind iiglade d Rebberg z bsueche und d Wy z degustiere.
Au d Wettige Winzer sind debi, wenn d Chäller göffned werde. D Chlosterwy a de Bergstrasse 67 hend am 1. und 2. Mai, vom Elfi bis am Achti am Obig offe, ab de Zwoi geds Füehrige dur de Rebberg. De Wy-Stern macht d Türe a de Landstross am 1. Mai ab em Drü am Namittag bis am Achti am Abe und am 2. Mai vom Zähni am Vormittag bis am Vieri am Namittag uf. De Christian Steimer öffned am 1. und 2. Mai d Produktionshalle a de Fohrhölzlistrasse 3 jewils ab de Halbielfi am Morge (Festbeiz ab em zwölfi und ab de Sächsi am Abe musikalischi Unterhaltig). Benz-Wy a de Dorfstrasse 77 öffned am 1. und 2. Mai ab em Elfi an Vormittag ihres Stübli. D Besebeiz vom Grafeguet hed offe, wie mer sechs gwöhnt esch.