Sit fast 2 Johr wird de Poste vo de Regionalpolizei (Repol) zämme mit de Kantonspolizei (Kapo) betribe. Ab em 1. Januar 2026 isch d Repol wider «Herr im Haus».
Sit em 1. Januar 2024 wird de Polizeiposte z Wettige vo de Kapo und de Repol zämme betriebe. D Veriibarig zwüschem Departement Volkswirtschaft und Inners (DVI) und de Gmeind Wettige, wo d Grundlag vo dere Zammenarbet gsi isch, wird uf Ändi 2025 ufglöst, wie de Kanton mitteild. D Kapo wird witerhin gmäss § 22 Abs. 1 vom Polizeigsetz d Interventione und d Fallbearbeitige überneh. D Abgeltig für d Leistige vo de Kapo isch zur Sicherstellig vo de Planigssicherheit zwüsche de beide Organsiatione schriftlich gregled worde, schribd s DVI. D Repol betriibd de Polizeiposte ab em 1. Januar 2026 wider eigeständig und bringd ihri Polizistinnen und Poliziste nach eigeder Disposition in Iisatz.