D SP het nominiert

Am Mentig, 27. Jänner 2025 het d SP d Kandidate für de Gmeindrat nominiert. D Kirsten Ernst wot wider Gmeindrötin werde, de Andrian Knaup au Gmeindamme.

D Partei bringed sich langsam aber sicher in Position für Gmeindrotswahle, wo im Herbscht stattfinde werded. Hüt het d SP Wettige ihri Kandidate nominiert und au grad per Mediemitteilig bekannt geh.
D Kirsten Ernst, wo sit em 2017 Gemeindröti isch, kandidert für e witeri Amtsziit. Si wot ihri Arbet für es sozials und nachhaltigs Wettige fortsetze, heissts dodezue in de Mediemitteilig.
Als Ersatz für de Gmeindrot Markus Maibach, wo bi de Wahle nüm wird aaträte, het d SP de Adrian Knaup nominiert, wo au als Gmeindamme kandidere wird. Somit stellt d SP em Markus Haas, wo vo de FDP scho aafangs Dezember nominiert worde isch, en Useforderer entgege. Aktuell isch de Adrian Knaup Präsident vo de Finanzkommission und Huusmaa.