D Wettiger Nutzigsplanig, wo us de Bau- und Nutzigsordnig (BNO), em Bauzoneplan und em Kulturlandplan bestoht, isch schon über 20 Johr alt. De Entwurf vo de Gsamtrevision wird ab em 15. März 2024 für d öffentlich Mitwirkig ufglegt.
Di aktuell BNO vo Wettige isch am 7. Dezember 2000 vom Iiwohnerrot bschlosse worde, het aber in de Zwüscheziit au einigi Teiländerige hinter sich. Ineme zwöijährige intensive Bearbeitigsprozess hend de Gmeindrat und d Planigskommission d Nutzigsplanig gsamthaft überprüeft und en Entwurf erarbeitet, zum si an zuekünftigi Useforderige und gänderti gsetzlichi Grundlage aazpasse. Für 60 Täg, vom 15. März bis zum 13. Mai 2024 wird de Entwurf vo de Nutzigsplanig jetzt öffentlich uflige, damit alli, wo wend, sich zum Entwurf chönnd üssere. Zum Uftakt zu dem Mitwirkigsverfahre find am 14. März 2024 um Sibni am Abe im Tägi en Informationsveraastaltig statt, wo über die vorligende Planigsdokument, s Mitwirkigsverfahre und de witeri Planigsprozess informiert wird.