D Hauptüebig vo de Füührwehr esch en volle Erfolg gsi. Öppe 120 Persone sind cho zum goh luege.
Um di 80 Füürwehrlüt sind am Fritig, 10. November 2023 med allne Fahrzüg an d Tägerhardmatt usgrückt. S Szenario vo de Hauptüebig isch en Brand inere Autolackiererei gsi, wo med Wohnhuus und Bürogebäude s Gfahrepotential sehr erhöht het. Es händ müsse Lütt grettet und au medizinisch versorgt werde be Verdacht uf Rauchvergiftig. D Crew vo de Füührwehr Wettige hed die Ufgab effizient glöst und nach rund ere halbe Stund esch alles verbii gsi. D Füürwehr hed de im Aaschluss s ganz Material weder müsse zrugg verschiebe und weder parat mache, damit si für en Ernstfall grüschtet wär. So hed sech Crew s Esse im Aaschlus redlich verdient.
