Immer wider schaffed es Wettiger Wy unter di Top-Wy vom Aargau. I dem Johr sind es grad zwöi, wo zum «Aargauer Staatswy» erkore worden si.
84 Wy sind in dem Johr iigreicht worde, zum d Chance ha, Aargauer Stastswy z werde. Innere Vorselektion sind pro Kategori je 4 Wy usgwählt worde, wo vo de Jury inere Blind-Degustation bewerted worde sind.
Während in de Kategori Riesling-Sylvaner en Gauesteiner vo Wehrli Wybau vo Chüttige und bi de wysse Spezialitäte de Höll Kerner us Würelingen vom Wyguet zum Sterne gwonne het, hend bim Pinot Noir und de rote Spezialitäte Wettiger Wy d Nase vore gha:
De «Herreberg Exklusiv» 2022 vo Steimer Weinbau het in de Kategori Pinot Noir gwonne und de LEUKOTHEA Pinot Noir Barrique 2020 vo de WyStern AG bi de rote Spezialitäte.
Härzliche Glückwunsch!