Im 2023 isch de Werkhof 30-jährig und de Friedhof Brunnewise wird 50. Das isch en Grund zum Fiire.
Zwöi ganz unterschidlichi Jubiläe falled i dem Johr zämme, wenn de Werkhof 30i und d Brunnewise 50i wird. Gliichwohl gits e Verbindig zwüsche beidem, wil s Personal vo de Brunnewise zum Werkhof-Team ghört. So werded au die beide Jubiläe gliichzitig gfiired und zwar am Samschtig, 17. Juni 2023 mit eme Tag vo de offnige Türe.
Vom 10i am Morge bis um 4i am Namittag cha me de Werkhof und d Brunnwiese gah aaluege. Uf de Brunnewise guts zuesätzlich musikalischi Kunstrundgäng vo jewils ere halbe Stund. Sie started im Eis, um Zwöi und um Drü vor de Abdankigshalle. D Rundgäng werded vo de Sarah Merten, Kunsthistorikeri und Leiteri vo de Galerie im Gluri Suter Huus und de Sopranistin Jelena Dojčinović duregführt.