D Kantonspolizei (Kapo) vermuetet Vandale hinter mehrere abgrissene Kontrollschilder. Passiert isch es am letschte Wochenänd.
Wie d Kapo innere Medienmitteilig schriibd, sind am letschte Wochenänd an eme halbe Dutzend Autos d Kontrollschilder abgrisse worden. Bisher sind si no ned wider uftaucht.
Die betroffene Fahrzüüg sind an de Lägerestrass, de Alteburgstrass und de Zentralstrass parkiert gsi. D Bsitzer hend jewils am Sonntig, 4. Dezember 2022 feschtgstellt, dass jewils eis vo de Kontrollschilder fehlt. Bi einige Auto het me gseh, dass d Schilder mit Gwalt abgrisse worde sind.
D Vermuetig isch, dass d Täterschaft in de Nacht uf Sunntig vom Bahnhof her uf em Heiwäg gsi isch.
D Kantonspolizei z Bade (Telefon 056 200 11 11) suecht Augezüüge.