D Hertesteistrass z Nussbaume isch am Fritig, 2. Dezember 2022 für mehreri Stund gsperrt gsi. De Grund für d Sperrig isch d Bergig vomene Pneukran gsi.
We me vom Markthof her d Hertesteistrass ufefahre het welle, het me ab em 10i am Vormittag Problem gha. Bi ere Baustell isch en Pneukran umgheit, während er e Last aaghobe het. Er het dodebi es Grüscht und e Huusfassade beschädiged. Au am Pneukran selber isch en gross Schade entstande. Verletzt worde isch niemed. Bi de Unfallursach stoht technischs Versage im Vordergrund vo de Vermuetige.