Eigentli het de Kanton erscht morn, Donnschtig, 21. Juli 2022 welle informiere: Ab de 9i am Morge gilt im ganze Kanton Aargau d Gfahrestuefe 4 für Waldbränd. S Füüre im und am Wald isch dodemit verbote!
Sit einige Woche het es nüm rächt grägned, so dass d Böde uströchned sind. De Kanton het us dem Grund erscht d Gfahrestuef uf 3. Ab morn gilt d Gfahrestuef 4. Das heisst, s Füüre im Wald und mit Abstand vo 50 Meter vom Waldrand isch verbote. Das Verbot gilt au für fäscht inschtalierti Füürstelle, Picknickplätz und Waldhütte.
Au usserhalb vo de Wälder sind folgendi Massnamhe strikt iizhalte:
- Brönnendi Raucherware (Zigis und so) und Zündhölzli dörfed ned uf de Bode grührt werde.
- Bi starkem Wind sell me wegem Funkeflug ned im Freien füüre.
- Füür immer beufsichtige.
- E Füürstell erscht verloh, wenn s Füür sicher glöscht isch.
- Wil scho bald 1. August isch, isch au d Frog wichitg, wie es mit em Füürwerch usgseht. Bi Gfahrestuef 4 gilt e 200-Meter-Schutzzone um de Wald, wo Füürwerch verbote isch. Wenn es so troch bliibd, isch es aber sehr wahrschinlich, dass Füürwerch noch vor em 1. August ganz verbote wird.