D Halbfinal und d Final vo de Frau und Manner im Landhockey finded jetzt am Wochenänd uf de Bernau z Wettige statt. Rotwyss cha zwöimol Meister werde.
Die vier beschte Dame- und die vier beste Mannerteams vom Schwiizer Landhockey spiled am Samschtig, 18. und Sunntig, 19. Juni 2022 um de Schwiizermeischtertitel. Beidi Teams vo Rotwyss hend sich jewils als Tabelleführer für di Finalrundi qualifiziert. D Usgangslag isch also vielversprächend, aber Halbfinal und Final müend gwonne werde, zum Schwiizermeischter werde.
D Halbfinal started am Samschtig um 11i mit em erschte Herrematch. D Manner vo Rotwyss spiled dann im zwöite Halbfinal um Eis nach em Mittag. Nacheme Sponsorelauf vo de Juniore sind d Fraue mit de Halbfinal dra. Rotwyss stoht bim erschte Match um 4i am Namittag uf em Platz, de zwöit Halbfinal isch um 6i am Abe.
Am Sunntig sind erscht d Match um Platz 3 und 4 (um 10i vo de Herrre, um 12i vo de Dame), bevor es bi de Final ernst gilt. D Manner stönd um Zwöi zum Final uf em Platz, d Fraue um 4i. Rotwyss hofft jewils bi de Finalmatch debi z si und so ihri Titel chönne z verteidige.
Unter em Motto ‚Am Final Four alli in rot ufd Bernau‘ hofft Rotwyss uf zahlrichi Zueschauer und e lutstarki Unterstützig. Noi gits au en Rotwyss-Fanshop, wo me Shirts, Fanschals und Caps cha chaufe.
Für Jugendlichi unter 16 isch de Iitritt gratis. Erwachseni zahled für ein Tag 10 Stutz, für beidi zämme 15.
Für alli, wo uf de Bernau ned chönne debi si, gits en Livestream: https://youtu.be/wdsZz9brgX0