Nach zwei Jahr ganz ohni Früehligskonzert cha es im 2022 endlich wider stattfinde. Am Sunntig, 15. Mai um 5i am Namittag wird in de Chile St. Anton musiziert.
Nach zwei Jahr ganz ohni Früehligskonzert freut sich d HWK sehr, am Sunntig, 15. April 2022 um 17:00 Uhr i de Chile St. Anton in Wettige zume früehligshafte Nachmittagskonzert chönne iizlade. Durs abwächsligsriche Programm füert d Yvonne Gruber. D HWK freut sich uf es tolls Konzärt und hofft uf vili Bsuecher wo verbi chömed, cho lose und für e chorzi Ziit de Alltag chönd hinder sich la. A dem Nomittag wird am Publikum au zum erschte Mal s aspruchsvolle Sälbswahlstuck «The Bells of Sagrada Familia» für am Musigtag z Niederwil präsentiert.
Ufgrund vo de Parkplatz-Situation esches besser, wenn möglich, mit em ÖV azreise. Plätz chan mer ned reserviere und de Itritt chostet 15.-.
Wer sichs a dem Sunntig leider ned chan irichte zum cho lose, het demnächst au a diverse chlinere Aläss no d Möglichkeit, d HWK live z erläbe:
Chlosterfäscht vom 6. Juni 2022, Patrozinium im St. Anton vom 11. Juni 2022 oder dänn am 1. August a de Wettiger Bundesfiir. Informatione gits uf de Website www.hwk.ch