Sit em 1927 gits de Wältgebetstag vo de Fraue, wo sit vilne Johr numme no «Weltgebetstag» heisst und sither au Manner iiglade sind. Er isch am Fritig, 4. März 2022 um Sibni am Abe in de methodistische Chile.
Sit vilne Johrzehnt wird de «Wältgebetstag» z Wettige gfriired. S Jahresthema und d Unterlage werded i jedem Johr vo Fraue us eme Land vorbereitet, im 2022 sind es Fraue us England, Wales und Nordirland, also em Vereinigte Chönigriich ohni Schottland, wo us historische Gründ es eigeds Komitee het.
Vor Ort wird die usgschaffti Liturgie uf ökumenischer Basis vorbereitet und duregfüehrt. Für d Fiir wird z Wettige de Ort jewils gwächsled. I dem Johr find de Wältgebetstag am Fritig um Sibni bi de Evangelisch-methdistische Chile a de Seminarstrass 21 statt, also streng gnoh uf em Bode vo Ännetwettige.