Am 13. Februar 2022 esch d Ersatzwahl für de freii Sitz im Gmeindrat. Nebem Markus Haas (FDP) kandidert au de Markus Bader (SVP) no einisch.
Wil im erschte Wahlgang jede Stimmbereichtigti au cha gwählt werde, isch es ned zu hundert Prozent sicher, aber d Wahrschiinlichkeit, dass de siebt Gmeinratssitz, wo no z vergeh esch, an en Markus goht, esch sehr höch.
Zum eine het de Markus Haas sini Kandidatur aagmeld, wo vier Jahr langt im Gmeindrot gsi esch und bi de Gsamterneuerigswahle vom September 2021 mit 3’037 s absoluti Mehr erreicht gha het, aber als Überzähliger usgschide esch. De zweit offiziell Kandidat, de Markus Bader, het im September 2021 au scho kandidiert gha und esch damals uf 1’789 Stimme cho.