Am 13. Februar 2022 esch d Ersatzwahl für de vakanti Sitz im Gmeindrat. D FDP het de Markus Haas nominiert, wie d Partei innere Mitteilig schriibd.
De Rückzug vom Andrea Bova us em Gmeindrot het dezue gführt, dass ein Sitz ab em 1. Januar 2022 vakant isch. Scho Ändi November het de bisherig Gmeindrat Markus Haas, wo bim 1. Wahlgang für di neu Legislatur zwar s absoluti Mehr erreicht gha het, aber als Überzähliger usgschide esch, mitteild, dass er no einisch wird kandidiere, we sini Partei ihn nominiert. Die Nomination esch jetzt erfolgd, wie d FDP mitteild.
Ob au anderi Partei Kandidate portiered esch offe. D SVP het of eusi Aafrag bisher ned reagiert, d GLP sig no am Überlege.
De Aameldeschluss esch am 31. Dezember 2021 um Zwölfi am Mittag. Um 1. Wahlgang cha aber jede, wo Stimmberechtigt esch, gültigi Stimme übecho.