Am 16. Oktober 2021 find uf de Chlosterhalbinsle de zwöit Herbstmärt statt. Es git vili lokali Produkt vo lokale Aabieter.
D LägereBräu het au i dem Johr wider en Herbstmärt organisiert. Vom Zehni am Morge bis um Vieri am Namittag gits Unterhaltig für Gross und Chli und an de Marktständ büted folgendi Aabüter us de Region ihri Produkt aa: Gelateria Gwundertüte, Humbel Spezialitätebrennerei AG, Vini Sacripanti AG, Peter Raschle, Chäslade Niederrohrdorf, Wystärn Wettige, Sigrists Mini-Donut Factory, Gonis / Myrena – Renata Henry, Chlostergärtnerei Wettige, Fabian Rimann Chocolatier, vomFASS Baden / test-all GmbH, Kunstatelier & Galerie Jhago-art, Helvetic Waves, Bluemig und Einzigartig – Katharina Benz und LägereBräu Gastro im Biergarten. De Aalass find bi jedem Wetter statt.