S Rüümliche Entwickligsleitbild (REL) stellt d Weiche für d Zuekunft vo Wettige. Am 8. Novmber 2021 find dodezue en Informationsveraastaltig statt.
Sidligsfläche, Freirüüm und d Landshcaft, das sind wichtigi Pünkt vom Rüümlichi Entwickligsleitbild (REL). In de letschte zwöi Johr het de Gmeindrat unter Iibezug vo Iiwohnerrot und de Bevölkerig a dem Leitbild gschaffed und wird das REL am Mentig, 8. November 2021 um Achti am Abe de Bevölkerig präsentiere. D Veraastaltig find im Tägi statt und goht bis öppe um Zähni am Abe. Danach gits en Apéro. Wege de aktuelle Coronaregle muess me sich vorher für de Aalasa aamelde und bruuchd es Covidzertifikat und en Uswiis.
Nebe de Präsentation vom REL, wo zämme mit em Kommunale Gsamtplan Vercher (KGV) de Rahme für di aastehend Revision vo de Allgemeine Nutzigsplanig setzt, gits au e Diskussionsrunde mit Verträter us Politik und Wirtschaft zu de Frog, was er gueti Gmeindsentwicklig uszeichnet.
Im erschte Teil vom Abe gits en Iiführig ins Thema dur de Gmeindamme Roland Kuster und der Landamme Stphan Attiger, Vorsteher vom Departement Bau, Vercher und Umwält. Aaschlüssend präsentiere d Verantwortliche vo de Abteilig Baue und Plane vom Gmeindrot verabschiedete und dodemit behördeverbindliche REL und erlütered de Fahrplan für d Revision vo de Allgemeine Nutzigsplanig. Im zwöite Teil diskutiered dann folgendi Fachpersone s REL und sini Bedütig für Wettige, d Region und de Kanton, zerscht uf em Podium, dann mit em Publikum:
- Landammann Stephan Attiger, Vorsteher Departement Bau, Vercher und Umwält Kanton Aargau
- Benjamin Steiner, Stadtrat Ännetwettige, Vorstand Planig/Bau
- Gemeindamme Roland Kuster
- Christa Camponovo, Iiwohnerräti Wettige
- Michaela Türtscher, Mitglied Ortsbildkommission Wettige
Alle Informatione zum REL finded sich uf de Website vo de Gemeinde unter www.wettingen.ch/planungsprojekte/37121