De Werkhof het aagfange Wahlplakat iizsammle, wo ned de Vorschriften entspreched. D Partei sind unterschidlich fescht, aber alli betroffe.
Er esch fascht Routine gsi, de Hiwiis vo de Gmeind, nach em Start vo de Plakatierig, dass ned korrekt aabrochti Plakat entfernt werded. I dem Johr macht d Gmeind aber ernscht. De Werkhof het aagfange d Plakat z entferne, wo weniger wi 2.50 Meter überm Trottoir gsi si oder us anderne Gründ gege di kantonale Vorschrifte verstosse hend. S Entferne wird de Parteie in Rechnig gstellt werde.
Nach Uskunft vom Leiter vom Werkhof, em Rémy Monnet sind hüt im Werkhof 255 Plakat parat gläge, wo vo de Partei hend chönne abgholt werde.